══════════════════════
*📒📒📒 @ संकलन @📒📒📒*
*श्री. गजानन गोपेवाड
══════════════════════
🌎 *ज्ञान-विज्ञान* 🌎
══════════════════════
📕 *जगात भुते असतात का ?* 📕
लहानपणापासून तुम्हाला भुताखेतांची भीती दाखवली गेली असेल. अंधार, बागूलबुवा, तसेच भुते यांच्याबद्दल कोणत्याही लहान मुलाला भीती वाटतेच. ज्ञानाच्या कक्षा विस्तारतात, तसे भीती कमी होत जाते. खरेच का जगात भुते असतात? या प्रश्नाच्या दोन्ही बाजूंनी अत्यंत निर्धारपूर्वक बोलणारे अनेक जण भेटतील. देव आहे किंवा नाही, पुनर्जन्म आहे किंवा नाही; तसाच हाही एक वादाचा, तर कधी वितंडवादाचा मुद्दा होऊ शकतो. माहिती नसलेल्या गोष्टींबद्दल गूढतेचे वलय निर्माण होतेच. त्यामुळेच सर्वांनाच भुतांच्या गोष्टीत कमालीचे स्वारस्य असते.
भुते माणसाच्या मनात असतात, असे म्हणतात व ते खरे आहे. माणसाच्या मानसिक दौर्बल्याचा एक आविष्कार म्हणजे भुते होत. भुताचे अस्तित्व शास्त्राने अमान्य केले आहे. भूतं आहे हे कोणालाही सिद्ध करता आलेले नाही. भुताने झपाटणे, भूतबाधा आदी गोष्टी हे मनोविकार असल्याचे सिद्ध झाले आहे. बऱ्याचदा एखाद्या व्यक्तीला भूतबाधा झाली आहे, असे ठरवून मांत्रिकाकडे तिला नेण्यात येते. तेथे भूत उत्तरवण्याच्या नावाखाली त्या व्यक्तीचा शारीरिक छळ केला जातो. कधीकधी ती व्यक्ती मृत्युमुखीही पडते.असे होणे हे सुसंस्कृत समाजासाठी एक लांछनच होय.
*डाॅ.अंजली दिक्षित व डाॅ.जगन्नाथ दिक्षित*
*यांच्या 'मेडिकल जनरल नॉलेज' पुस्तकातून*
═══════════════════════
कोणत्याही टिप्पण्या नाहीत:
टिप्पणी पोस्ट करा